РУСКИ КЕРЕСТУР – Фодбалски клуб „Русин” одбавел остатнє, 30. першенствене коло ПФЛ Зомбор, внєдзелю, 7. юния у Руским Керестуре на Ярашу процив екипи Кордуна зоз Кляїчева и одбавел нєришено, а конєчни резултат стретнуца бул 2:2.
Ґоли за екипу Русина дали: Матей Саянкович и Деян Югик зоз пеналу.
За екипу Русина бавели: Александар Драґутинович, Владимир Кочиш, Виктор Надь, Стефан Тома, Александар Кочиш, Милош Сомборски, Неманя Комленич, Оґнєн Маркович, Петар Аґбаба, Марко Савич и Деян Чернок.
До бависка вошли Иван Планчак, Бранислав Иван, Матей Саянкович, Деян Югик и Теодор Штранґар, а на лавочки ище були Алекса Сопка и Роберт Винаї.
После одбавеного 30. кола, закончела ше сезона 2025/26 ПФЛ Зомбор, а екипа Русина закончела першенство на 5. месце на таблїчки. Штернац стретнуца победзела, дзевец одбавела нєришено, док є у седем поражена. Освоєла 51 бод и ма позитивну ґол розлику, дзе дала 66, а достала 43 ґоли.
Треба визначиц же пред стретнуцом Юлиян Колошняї Мачи, з нагоди його 80 родзеного дня, за вецейдеценийски анґажман у клубу на вецей функцийох достал подзекованє – зарамиковани дрес зоз числом 80.
