ПЕТРОВЦИ (ГОРВАТСКА) – На пияток, соботу и нєдзелю, 12, 13. и 14. юния будзе 53. централна манифестация култури Руснацох Републики Горватскей Петровски дзвон 2026, а з нагодни означованя 195-рочнїци приселєня Руснацох до Петровцох, 190-рочнїци грекокатолїцкей парохиї у Петровцох, 55-рочнїци часопису Нова Думка, 90-рочнїци од шмерци Осифа Костелника и 100-рочнїци першей виведзеней представи у Петровцох.
Пияток, 12. юния, пополадню на 18:30 г у Дому култури Петровци будзе отворена вистава иконох о. Михайла Йозафата Гардия Мой живот нєшка и навше. Програма ше предлужи зоз промоцию кнїжкох у виданю Союзу Русинох Републики Горватскей: Думки з Дунаю ґрупа авторох, Ивана Бики Нє берце мачичку за водителя и Томислав Кетелеш Чапаш моєй души.
После промоцийох, на 20 г почнє Литературно-музични вечар Руснацох РГ з нагоди спомнутих рочнїцох, а учашнїки програми писателє Русинох РГ, КУД Яким Гарди Петровци хлопска шпивацка ґрупа, женска шпивацка ґрупа КУД Яким Ґовля Миклошевци и госцуюци фолклорни ансамбл Видуманєц зоз Кузмицох, Словацка.
Соботу, 13. юния з почарком на 18:00 годзин у амфитеатру на отвореним будзе отримана Смотра музичней и фолклорней творчосци Руснацох РГ Петровски дзвон 2026. Учашнїки на програми буду руски Дружтва зоз Заґребу, Винковцох, Райового Села, Петровцох, Вуковару, Миклошевцох, Осиєку, КУД Ади Ендре Кородж, БКУД Лїлян Раєво Село и госцуюци фолклорни ансамбл Видуманєц зоз Кузмицох зоз Словацкей.
Нєдзелю, 14. юния, на 10 годзин будзе Служба Божа, а потим на 11 годзин почнє Смотра музичней и фолклорней дзецинскей творчосци Руснацох РГ Петровски дзвончок 2026. У програми буду участвовац дзецински ансамбли Руснацох РГ зоз Вуковару, Петровцох, Миклошевцох, ОШ Антуна Бауера Вуковар – ПШ Петровци, КУД Томислав Церна, КУД Селячка слоґа Боґдановци, Дзецинска овода Вуковар 1, подручни обєкт Петровци – дзецинска ґрупа Смоквице, КУД Коло Вуковар и Школа тамбури Петровци.
Орґанизаторе 53. Централней манифестациї култури Руснацох РГ Петровски дзвон 2026 Союз Руснацох РГ и КУД Яким Гарди Петровци, а под покровительством Совиту за национални меншини РГ и зоз финансийну потримовку Вуковарско-сримскей жупаниїи и Општини Боґдановци.