БЕОҐРАД – На сайту Министерства за людски и меншински права и дружтвени диялоґ, вчера 7. юлия обявена лїстина вреднованя и ранґованя програмох и проєктох котри поднєшени на конкурсу за додзельованє средствох зоз Буджетского фонду за национални меншини у 2026. року.
Зоз рускей националней меншини прилапени лєм єден проєкт под назву „Фотоґрафски часоплїв Руского Керестура” котрому ношитель Завод за културу войводянских Руснацох.
Того року приоритетна обласц финансованя була култура, а на розполаганю сума од 30 милиони динари котри розпоредзени на 48 проєкти. Потим єст 62 проєкти котри ранґовани, а за котри нє було досц средства, док 45 проєкти нє сполнєли условия за розпатранє документациї.
На тим линку на урядовим сайту Министерства за людски и меншински права и дружтвени диялоґ мож опатриц лїстину, а пригварку мож доручиц виключно на мейл адресу nacionalnemanjine@minljmpdd.gov.rs.