РУСКИ КЕРЕСТУР – Керестурска парохия св.о. Миколая тей нєдзелї видала двочисло „Дзвонох” за юлий и авґуст.
Тото виданє у знаку двох подїйох – Емаус фесту и Школярского дня, о чим єст тексти и фотоґрафиї на вецей бокох.
У Уводнїку преглїбене духовне значенє швета Успения Пресвятей Богородици, а з нагоди упокоєня о. Иґора Миза дата його биоґрафия.
И у тим чишлє записи о Водици, духовним стретнуцу Марияполи, Завитним дню по юлиянсим календаре, як и вистки зоз швета и наших парохийох.
Зоз церковней историї нови предлуженя о керестурскей и коцурскей парохиї з нагоди їх ювилейох, а з нагоди 380-рочнїци церковного зєдинєня представени блажени Павло Ґойдич.
Рочна предплата за тот наш єдини християнски часопис 1.500 динари, за иножемство 50 евра за европски держави, а за прейґокеански жеми 60 евра.