29. АВҐУСТ – На нєшкайши дзень народзени Микола Преґун.
1632 – Народзел ше филозоф Джон Лок (Ринґтон, Анґлия, 29. авґуст 1632 – Есекс, Анґлия, 28. октобер 1704), бул лїкар и єден з сновательох емпиризму и либералистичней филозофиї. Вон гварел же нєт нїч у розуме цо пред тим нє прешло през чувства и же шицки идеї зоз хторима розум оперує походза зоз искуства.
1885 – Нємецки инжинєр Ґотлиф Даймлер, патентовал першу моторку.
1915 – Народзела ше ґлумица Инґрид Берґман (Штокхолм, Шведска, 29. авґуст 1915 – Лондон, 29. авґуст 1982), шветову славу здобула у филмох хтори зняти у ЗАД. Спомнїме лєм даскельо: Доктор Джекил и мистер Гайд, Йованка Орлеанска, як и Казабланка, за хтори достала Оскара. Умарла тиж на нєшкайши дзень, 29. авґуста 1982. року.
1946 – Народзел ше драмски аматер, ґлумец, режисер, орґанизатор програми на ТВ Нови Сад Микола Преґун (Коцур, 29. авґуст 1946 – Коцур, 28. януар 1999). Основну школу закончел у Коцуре, а потим и стредню машинску школу. Почал робиц у фаху, а од 1975. по 1987. рок робел у ТВ Нови Сад як орґанизатор програми Редакциї ТВ Нови Сад на руским язику. Микола Преґун охабел шлїд у драмским аматеризме Коцура як ґлумец и як режисер. Перши театрални фалат у хторим ґлумел бул Молиєров Уображени хоротнїк (1972). Наступал и у гумористичних прилогох на телевизиї, а зявйовал ше и як гумориста на Червеней ружа, у радийских емисийох На габох музики и гумору и на Коцурскей жатви. Микола Преґун умар 28. януара 1999. року у Коцуре, дзе є и поховани.
1949 – Совєтски Союз окончел першу експлозию атомскей бомби.
1958 – Народзел ше поп шпивач Майкл Джозеф Джексон (Ґери, ЗАД, 29. авґуст 1958 – Лос Андєлес, 25. юний 2009), бул музичар, текстописатель, познати по екстраваґантним живоце.
2000 – Окружне явне тужительство у Беоґрадзе подзвигло обтужнїцу процив 14 заходних лидерох, обвинююци их за войново злодїйства под час НАТО аґресиї на Югославию на яр 1999. року.
Нєшка национални дзень лимунади, лєбо соку з лимуна (National Lemon Juice Day).