КОЦУР – Предшколска установа „Бошко Буха” у шицких своїх обєктох у општини Вербас 1. септембра предлужела воспитно-образовну роботу, а єден з тих обєктох и оддзелєнє „Герлїчка” у Коцуре. Так нови школски рок почал и за наймладших у коцурскей оводи.
До мишаней пририхтуюцей воспитней ґрупи на руским и сербским язику у „Герлїчки” того школского року уписани 26 дзеци, а ґрупу водза виховательки Єлена Буила и Татияна Скубан Тодорович.
Зоз тей ґрупи пецеро дзеци треба же би нарок рушели до школи. По словох Буиловей, штверо ше пририхтую за упис до руского оддзелєня, а єдно дзецко за упис до сербского оддзелєня.
Виховательки зоз предшколцами робя на руским и сербским язику, а у тим школским року вони прейду и през обовязну пририхтуюцу програму.
