РУСКИ КЕРЕСТУР – Фодбалски клуб Русин, внєдзелю, 6. септембра, на Ярашу, одбавел штварте першенствене коло Подручней фобдалскей лиґи Зомбор процив екипи Будучносци зоз Параґох, и победзел зоз резултатом 4:1.
Ґоли за екипу Русина дали: Деян Югик (3) и Матей Саянкович (1).
Пред початком стретнуца, означени мали ювилей, з нагоди 50. родзеного дня. Визначни член управи и приятель клуба Александар Кочиш, од младей управи клуба ФК Русин, достал на дарунок зарамиковани дрес зоз числом 50.
За екипу Русина на тим стретнуцу бавели: Александар Драґутинович, Стефан Тома, Деян Зорич, Драґан Павлович, Душан Драґоєвич, Деян Югик (c), Матей Саянкович, Ґоран Миланович, Ненад Вукелич, Милан Вуїн и Виктор Надь. До бависка вошли Владимир Кочиш, Оґнєн Маркович, Боян Голик, Иван Планчак и Теодор Штранґар, а на лавочки ище були Михайло Надь и Лука Фа.
У шлїдуюцим 5. першенственим колу, екипа Русина будзе бавиц на соботу, 12. септембра у Зомборе, процив екипи Раванґрад 2018.
Стретнуце почнє на 16:30 годзин.
