ШИД – У пиятим колу Першей лиґи Войводина – ґрупа А, всоботу вечар, 17. октобра у Спортским центру Шид, одбавене стретнуце домашнього РК „Роботнїцки 1958” и новосадского РК „Роботнїцки”, а закончене є зоз резултатом 31:23.
У интересантней и борбеней атмосфери на тим змаганю домашнї рукометаше указали свойо квалитети, та тераз шидски Роботнїцки 1958 на седмим мєсце на таблїчки, док новосадски процивнїки осмопласовани.
Титула бавяча змаганя заслужено припадла Небойшови Иличови, бавячови домашнїх, котри на тот завод бул и бавяч зоз найвецей поенами.
Тота побида вельо значи домашнєй екипи котра бави у релативно младим составе, же би предлужели зоз добрим бависком, понеже потераз були без побиди.