КОЦУР – У Церковней сали грекокатолїцкей церкви у Коцуре вчера отворена вистава подобових роботох дзецох – учашнїкох на конкурсу з тему „Боже милосердиє”. Конкурс орґанизовали ш. Михаила Воротняк и вироучителька Ксения Бесерминї.
На конкурс, хтори бул отворени мешац, сцигли 35 роботи, а за инспирацию, дзецом були понукнути три библийски приповедки – „Страцени и найдзени син”, „Страцена и найдзена овечка” и „Страцена и найдзена драхма”.
Комисия, хтору творели парох коцурски о. Владислав Рац, Серафина Самочета и ш. Михаила Воротняк, вибрала три найлєпши роботи дзецох од И по ИИИ класу, та першу награду достал Оґнєн Салонтаї з ИИИ класи, другу Вид Неделькович, тиж з ИИИ, а трецу Теодора Ґайдош з И класи.
Вибрани и три найлєпши роботи дзецох од ИВ по ВИИИ класу, та першу награду достал Павле Бесерминї, другу подзелєли Катарина Ґайдош и Катарина Недич, а трецу награду достал Марко Стрибер, шицки зоз ИВ класи. Наградзени дзеци достали пригодни дарунки.
