Шид – Православни вирни вчера у Шидзе зоз шветочну процесию привитали мощи Святей мацери Анґелини Крушедолскей, а процесию по улїци Цара Лазара (з напряму Беркасова) предводзел преосвящени владика сримски Василиє.
Мощи перши прилапели официре Войска Сербиї, а провадзели их и огньогасци, священїки Архиєрейского намиснїцтва Сербскей православней церкви шидскей општини, представителє локалней самоуправи, дзеци у сербским народним облєчиве и числени вирни.
Процесия з мощами потим пришла до церкви св. о. Миколая, дзе служени акатист Мацери Анґелини, после чого отворени церковни музей Архиєрейского намиснїцтва шидского.
Мощи Мацери Анґелини у Шидзе буду по нєдзелю, а кажди дзень буду служени богослуженя и отримовани духовни преподаваня.
Мощи, хтори на тоти простори пришли после 500 рокох, на нєдзелю буду випровадзени до Адашевцох.