КУЛА – На ютре, 5. мая, у кулскей општини буду повторени виберанки за одборнїкох до Скупштини општини Кула на ище єдним виберацким месце – число 40 у Липару, у просторийох ОШ „Никола Тесла”. Ютрейши виберанки буду од 7 до 20 годзин, а одлуку о повторйованю пре нєправилносци на тим виберацким месце на виберанкох 24. априла, Општинска виберанкова комисия принєсла 30. априла.
То друге виберацке место на хторим у кулскей општини повторени локални виберанки, понеже 30. априла знова гласане на виберанковим месце число 11, у Месней заєднїци „Долнї город” у Кули.
После ютрейших виберанкох буду познати конєчни резултати и число освоєних мандатох у Скупштини општини Кула.