ШИД – Скупштина општини (СО) Шид на вчерайшей схадзки констатовала задзекованє дотерашнього члена Општинскей ради (ОР) Вуядина Васича, котри задзековал пре „особни причини”, а потим на тоту функцию вибрала Душана Стефановича, дотерашнього шефа Кабинету предсидателя Општини.
Одборнїки вигласали и нове Ришенє о розришеню дакедишнього предсидателя СО Желька Брестовачкого, присподобене вимогом Управного суду, хтори першобутне Ришенє о розришеню понїщел по тужби Брестовачкого.
Вигласана и Одлука о будовательней жеми и Одлука о утвердзованю доприносох за ушоренє будовательней жеми.
СО тиж прилапела и програми дїлованя ЯКП „Водовод”, ЯКП „Стандард”, ЯП „Завод за урбанизем”,ЯП „Радио Шид”, Спортского центру и Културно-образовного центру, як и финансийни план Месней заєднїци Шид за 2015. рок.
На схадзки вигласани и кадрово пременки у надпатраюцих, управних и школских одборох у явних подприємствох, установох и школи.
