РУСКИ КЕРЕСТУР – Гражданє котри жадаю помогнуц Папуґовей фамелиї з Руского Керестура чий квартель з часци згорел прешлого тижня, можу то зробиц з уплацованьом пенєжу на рахунок у банки, лєбо з пущаньом пенєжу до окремних шкатулох у Керестуре.
Шкатули ше находза на штирох местох у валалє – у канцелациї Месней заєднїци Руски Керестур, у будинку Явного комуналного подприємства „Руском” и у предавальньох „Тренд би” и „Фреш маркет”.
Окрем до шкатулох, помоц мож уплациц и прейґ рахунку 340-32289068-30 у „Ерсте банки”, чий приматель Весна Папуґа.
Акцию збераня пенєжу орґанизує Месна заєднїца Руски Керестур, хтора поволує шицких котри можу же би помогли.