ДЮРДЬОВ – Прешлого тижня на фодбалским терену спортского полиґону у Дюрдьове поставени два нови ґоли. Направели их, офарбели и поставели члени Месного одбору Сербскей напредней странки, котри за тото подняце назберали добродзечни прилоги.
Исти дзень офарбели и тримач за кош, а таблу, обруч и мрежочку за кош, хтори пред роком купела Месна заєднїца Дюрдьов, тиж пошвидко поставя, гварел предсидатель Совиту МЗ Душко Михелц.
Михелц гварел же МЗ планує обезпечиц и мрежу на одбойкашским терену и за рекреацию оспособиц шицки три спортски терени на месним полиґону.