ДЮРДЬОВ – На ютре, 21. септембра, грекокатолїцка церква Рождества Пресвятей Богородици у Дюрдьове преславює Кирбай, а на Велькей Служби Божей на 10 годзин за священїка будзе рукоположени диякон Данил Задрепко з Дюрдьова. По законченю Служби, нєоєрей Задрепко вирним подзелї свой благослов и обращики, як памятку на тот шветочни чин.
После трох мешацох, пре поставянє жемового зогриваня и мозаїчного мрамору, внєдзелю, 10. септембра, у церкви знова служена Служба Божа.
Тиж позаверани винкашнї уходи на ковруш, а коло нїх, даскельо метери од главного уходу, поставена по єдна просконитария, бочни прикрашени олтар.
Як гварел о. Михаил Холошняй, до церкви плановане направиц и нови столки, а тераз дочасово поставени карсцелї.