РУСКИ КЕРЕСТУР – Предшколска ґрупа дзецох „Печарка” з керестурскей дзецинскей заградки „Цицибан” ПУ „Бамби” у Кули, вчера нащивела старих бивательох керестурского оддзелєня Дому за старих и пензионерох Кула.
Нащива витворена з нагоди Мешаца старих, та 29-еро дзеци з виховательку Оленку Русковски коло 10 бивательом дому виведли кратку програмку у хторей шпивали и рецитовали. Ґу тому, дзеци и стари бешедовали на тему здравей поживи.
На концу дзеци старим подаровали по яблуко и смоки, а и їх домашнї тиж почасцели.
На програми, попри занятих у керестурским оддзелєню, були и представителє Дому з Кули.