РУСКИ КЕРЕСТУР – На школским атлетским першенстве, отриманим штварток 13. марца у Зомборе, участвовали и атлетичаре клубу „Русин”, а далєй, на висши ступень змаганя, пласовали ше Валентина Надь, и хлапци екипно у составе – Лука Стойков, Тони Орос, Йован Цвєтичанин, Патрик Варґа и Матия Чапко.
На змаганю, найлєпше ше указала Валентина Надь хтора зоз скоком од 1,55 метери посцигла свой власни рекорд и завжала 1. место, а тиж 1. место и пласман на Медзиокружне змаганє виборели и хлапци екипно, у составе – Лука Стойков, Тони Орос, Йован Цвєтичанин, Патрик Варґа и Матия Чапко.
Други места освоєли – Дюла Фаркаш у дисциплини скаканя до далєка, и Андрей Надь у дисциплини бежаня на 60 метери. Патрик Варґа у дисциплини скаканя до висока освоєл 3. место, а исте место виборел и Лука Стойков у дисциплини бежаня на 100 метери.
Атлетичаре хтори виборели перши места пласовали ше на Медзиокружне школске атлетске першенство хторе будзе уж на штварток 20. марца у Новим Садзе.
