Бачка ознова бавела нєришено

автор Л. Вереш
364 Опатрене

ПЕТРОВАРАДИН – У 4. колу Подручней фодбалскей лиґи Нови Сад, хторе одбавене 2. септембра у Петроварадину, фодбалере ФК Бачка 1923 зоз Дюрдьова бавели нєришено у стретнуцу зоз фодбалерами ФК Петроварадин, а стретнуце закончене зоз резултатом 1:1.

Перши ґол на стретнуцу посцигла дюрдьовска Бачка, у першим полчаше. У другим полчаше фодбалере домашнєй екипи бавели вельо лєпше. Уж у 55. минути поспишело ше им дац ґол и так виєдначели резултат. Дюрдьовчанє ше намагали по конєц стретнуца посцигнуц ище єден ґол, алє то им ше на тим стретнуцу нє удало.

Подзелєне вельо жовти картони пре безобзирни старт на стретнуцу, єден домашнїм и три фодбалером Бачки, указую же на терену бависко було оштре.

После того кола Бачка на єденастим месце на таблїчки зоз трома бодами. У шлїдуюцим колу дюрдьовски фодбалере на домашнїм терену дочекаю фодбалерох Юґовича зоз Качу.

ПОВЯЗАНИ ТЕКСТИ