ДЮРДЬОВ – У 24. колу Подручней фодбалскей лиґи Нови Сад, хторе одбавене 7. мая, фодбалере ФК Бачка 1923 зоз Дюрдьова победзели зоз резултатом 2:1, у стретнуцу зоз фодбалерами Татри зоз Кисачу.
Перши ґол на стретнуцу бул за Бачку и то на початку стретнуца, у 4. минути, зоз чим дюрдьовски фодбалере були мотивовани ище лєпше бавиц.
Медзитим госци нєодлуга, у 11. минути, дали свой перши ґол и виєдначели резултат.
Пред концом першого полчасу, у 40. минути, фодбалере Бачки посцигую свой други и остатнї ґол на тим стретнуцу.
У другим полчаше обидва екипи мали вецей добри нагоди дац ґол, алє их нє вихасновали.
После того кола Бачка ище вше на пиятим месце на таблїчки зоз штерацец и штири боди. У шлїдуюцим колу дюрдьовски фодбалере ше стретню у Буковцу зоз фодбалерами Фрушкогорского партизана.
