АНТАЛИЯ (ТУРСКА) – Директорка Школи „Петро Кузмяк” з Руского Керестура, Наталия Будински 4. и 5. марца у Анталиї у Турскей, участвовала на Медзинародней конференциї ЕПАЛЕ 2024. пошвеценей цаложивотному ученю, дзе фаховци з Европи представели приклади добрей пракси.
Будинскова участвовала на конференциї дзекуюци тому же зоз свою статю о диґиталней безпечносци, концом януара освоєла перше место на конкурсу орґанизациї EPALE – Еврoпскей мрежи за образованє одроснутих котри бул пошвецени теми анґажованя схопносцох за демократски живот.
У наградзеней статї Будинскова писала о теми прецо важна диґитална безпечносц и потолковала цо принєсол проєкт „Словнїк диґиталней безпечносци” хтори реализовала спред Здруженя гражданох Рустем. Тот превентивно-едукативни проєкт ше реализує у Школи „Петро Кузмяк” и тирва през прешли и тот школски рок, а потримало го Министерство просвити, науки и технолоґийного розвою.
