РУСКИ КЕРЕСТУР – Мото-клуб „Екипа моторокˮ нєшка на базену у Руским Керестуре по други раз орґанизує свою манифестацию Мото-стретнуце.
Нєшка орґанизаторе за 18 годзин заплановали отверанє кампу, а од 20 годзин наступ рок ґрупи „Нешто измеђуˮ.
Наютре, после фриштику, предвидзени байкерски бависка, полудзенок, потим дефиле байкерох през валал зоз своїма превозками, а у вечарших годзинох обчекує ше концерт двох бендох. На 21 годзин наступи зомборски гард рок бенд „Trilogyˮ, а од полноци ище єден рок венд „D’ Frižidersiˮ.
На нєдзелю после фриштику предвидзене випровадзанє госцох.
Уход ше нє будзе наплацовац, а вецей информациї мож достац на число телефона 065/9704224.