ЧУРОҐ – Традицийна 20. Чурожска реґата отримана внєдзелю, 10. авґуста, на Старей Тиси на ушореней часци побережя. На нєй участвовали 40 чамци и коло 220 учашнїки зоз Нового Саду, Суботици, Бечею, Зренянину, Мошорину, Бачкого Ґрадишта, Арадацу, Сенти, Ади, Чуроґу и з других местох Войводини.
Коло 17 годзин була змагательна часц Чурожскей реґати 2025. Змагали ше на драги од Бачкого Ґрадишта по Чуроґ, а остатнї 800 метери по циль. Змагало ше у двох катеґорийох: швидки и спомалшени чамци.
Финансийно и орґанизацийно 20. Чурожску реґату 2025 помогли Општина Жабель и Спортски союз општини Жабель.
