НОВИ САД – Конєц року период кед ше сумира цали рок, та так и такой на початку децемберского часописа МАК направени прегляд насловох хтори обявени у 2025. року.
Понеже пред конєц рока вишли два кнїжки „У мено єшенї“ авторки Михаели Еделински и „Ґумно“ – сучасна руска литература ґенерациї 1990-2020 читаче можу пречитац розгварку зоз Еделинскову, як и приказ кнїжки Ґумно през виривки зоз рецензиї и даєдни дїла хтори преложени на сербски.
Кед слово о актуалносцох при младих: мож пречитац написи о Дньовки у Руским Керестуре и Бал младих у Дюрдьове.
Мож пречитац и о кнїжкох, односно як написац порученє зоз илустративним прикладом.
Рубрика Драгопис нам приноши путованє по Италиї и Сан Марину, а Емисия за младих путованє од Руского Керестура до Пекинґу през ученє китайского язика.
Лексикон пополнєла Анита Чизмар, длугорочна сотруднїца МАК-у , хтору тераз можеме упознац на цалком иншаки способ.
Себастиян Няради написал „Прикру лиґу“ у рубрики Нїби гумор, А Михайло Планкош писал о филму Чарна Дзивка.
На концу, на остатнїм боку, мож опатриц фотоґрафиї векшини сотруднїкох у 2025. року прето же сотруднїки – часопис МАК.