ДЮРДЬОВ – Треци Збор гражданох у Дюрдьове отримани внєдзелю, 1. юния, опрез Основней школи „Йован Йованович Змай”.
У остатнїх трох тижньох на зборох бешедоване о проблемох и виволаньох зоз хторим ше зочую гражданє Дюрдьова, алє и и о можлївих ришеньох.
Окремна увага пошвецена очуваню древох у парку и полєшованю пасма коло валала.
Порушана и инициятива за ушорйованє дзецинского бавилїща. Гражданє писали и Явному комуналному подприємству „Чистота” Жабель, а кед нє достаню од нїх одвит, на збору наглашене же гражданє превежню сами инициятиву.
Єден з актуалних проблемох и нєдостаток места у оводи, з оглядом на тото же того року на лїстини чеканя остало трицец єдно дзецко. Як можлїве ришенє гражданє предложели простор коло Основней школи, алє би його адаптация вимагала озбильнєйши укладаня и ришованє безпечних условийох.