НОВИ САД – У 9. колу єшеньскей часци першенства Першей новосадскей лиґи, всоботу, 17. октобра на стадиону на Детелинари одбавене стретнуце медзи РФК Нови Сад и ФК Бачка 1923 зоз Дюрдьова.
Стренуце закончене зоз побиду домашнєй екипи, док фодбалере дюрдьовскей Бачки у тим колу зазначели друге пораженє, з вкупно дзевец кельо бавели, и маю шейсц побиди.
Два кола зашором дюрдьовска Бачка була на першим месце на таблїчки Першей новосадскей лиґи, алє после того змаганя є на трецим, ма лєм єден бод менєй як першоласована екипа ФК „Сириґ”.
РФК „Нови Сад” (Нови Сад) – ФК „Бачка 1923” (Дюрдьов) – 5:2 (2:0)
Ґоли за дюрдьовски тим дали, з корнеру Стефан Деянович у 52. минути и Стефан Максимович у 77. минути стретнуца.
Шлїдуюце стретнуце дюрдьовски фодбалере буду бавиц на домашнїм терену зоз єденастопласованим ФК „Фрушкогорски Партизан” з Буковацу котри у тим колу зазначел три побиди и штири пораженя.
Стретнуце будзе на пияток, 23. октобра од 15:30 годзин.