Додзелєни дванац жовти картони

автор А. Медєши
329 Опатрене

РУСКИ КЕРЕСТУР – Внєдзелю, 22. октобра, одбавене 11. коло Подручней фодбалскей лиґи Зомбор, у хторим моци мерали домашнї Русин и Червинка. Резултат остал виєдначени 2:2 (0:1), а ґоли за Русин дали Сушич и Иличич.

Перши ґол, у 26. минути, зоз єдного контранападу посцигую Червинчанє и було то 1:0 за госцох. 

Уж на початку другого полчасу, найконкретнєйши домашнї бавяч, Дарко Сушич, достава лабду на коло 20 метерох, преходзи двох, трох бавячох, уходзи до 16 метерох, и госцуюци бавяч над нїм прави пенал хтори Сушич потим и реализовал.

За нєполни 10 минути госци ознова даваю ґол и тераз водза зоз 2:1.

Зоз єдного шлєбодного бица ґолман госцох на крадко одбива лабду, на ню налєцує наймладши русиновец Лука Иличич, трафя сам верх ґолу и виєдначує резултат хтори по конєц остава нєришени 2:2.

През цали цек змаганя, госци направели коло 10 фаули за хтори достали 8 жовти картони, штири жовти картони достали русиновци, а червени картон достал и госцуюци тренер.

За Русин наступели – Михайло Надь, Боян Голик (Стефан Тома), Иґор Хрнчар, Александар Кочиш (Неманя Муминович), Деян Павлович, Дарко Сушич, Небойша Попович (Лука Иличич), Стефан Маркоєвич, Матей Саянкович, Владан Вуйович, Деян Чернок.

Уж на нєдзелю 29. октобра, Русина чека нове виволанє, тераз у Младенову дзе ше стретнє зоз домашню Будучносцу.

ПОВЯЗАНИ ТЕКСТИ