ЖАБЕЛЬ – У будинку Општини Жабель, найлєпши студенти зоз териториї општини подписали контракти о стипедованю, а на основу конкурса котри општина розписала концом новембра.
У святочней сали општини вчера, 10. децембра заменїца предсидателя Општини Жабель Милана Каназир и член општинскей ради Општини Жабель Борис Плескович уручели 37 контракти. Стипендия будзе петнац тисячи динари кажди мешац по шлїдуюци школски рок.
Медзи стипендованима Валентина Салаґ и Ксения Вереш зоз Дюрдьова, Татяна Ковач зоз Жаблю и Драґана Иванов зоз Ґосподїнцох.
