РУСКИ КЕРЕСТУР – Зоз Церкви св. о. Микoлая наявене же ше до конца рока вецей нє буду служиц Служби у Водици.
На пияток, 5. децембра Перши пияток. После Саночного, котре почнє на 17 годзин на пияток 6. децембра, придзе Миколай, на 17:45 и подзелї пакецики дзецом.
На соботу, 6. децембра – швето Николай архиепископ чудотворец – Служби Божо на 8, 10 и на 17 годзин – на Службох будзе Духовна обнова з нагоди Ювилейного року и пририхтованє за Крачунску споведз. Казательнїк на 8 и 10 годзин будзе фра Петер Деже зоз Сурчину, а на 17 годзин о. Алексий Гудак.
После каждей Служби, хто ше висповеда и запричаща може достац и заєднїцку св. Тайну олїва.
На нєдзелю, 7. децембра, Служби Божо на 9, 11:30 и на 17 годзин. После вечаршей Служби Божей будзе Саночне.
На Службох будзе Духовна обнова з нагоди Ювилейного року и пририхтованє за Крачунску споведз. Казательнїк на шицких нєдзельових Службох будзе о. Владимир Седлак, парох з Петровцох. После каждей Служби, хто ше висповеда и запричаща може достац и заєднїцку св. Тайну олїва.
На пондзелок, 8. децембра будзе швето Непорочне Зачатиє Пресв. Богородици, а Служби Божо на 8, 10, 15 и на 17 годзин.
Крачунска споведз будзе на шицких Службох.
Уписує ше и старших за Крачунску споведз по валалє.