Два побиди и два нєришени резултати у госцох

автор А. Медєши фото: З. Шомодї
576 Опатрене

КОЦУР – Внєдзелю, 17. септембра, у рамикох своєй Розвойней лиґи, Русиново когуцики и младши пионире одбавели штири стретнуца у першим колу, процив домашнєй Искри, а процив хторей однєсли два побиди, а два стретнуца одбавели з нєришеним резултатом.

На стретнуцу наступели дзеци од 1. по 5. класу основней школи, а резултат випатрал так – у першей Русиновей екипи наступели дзеци першей и другей класи, хтори домашню Искру победзели зоз 2:0, а ґоли дали Такач и Тасич.

Потим наступели дзеци трецей класи, хтори тиж однєсли побиду над домашнїма зоз резултатом 1:0, а ґол дал Страхиня Кршич, дзеци 4. класи процив своїх парнякох з Коцура одбавели нєришено зоз 1:1, дзекуюци ґолу Ивана Надя, та на концу младши пионире, дзеци 5. класи, процив Искри одбавели з нєришеним резултатом 0:0.

Тренер Зденко Шомодї.

ПОВЯЗАНИ ТЕКСТИ