СРБОБРАН – У рамикох Жимскей лиґи, хтора ше закончела внєдзелю, 22. фебруара у Србобрану, екипа Искри одбавела два стретнуца. Перше у полуфиналу бавела процив екипи ФК Будучносц зоз Савиного Села, а потим и у финалним стретнуцу процив домашнєй екипи ФК Србобран 2, та у єдним стретнуцу победзела, док у финалним, нажаль, страцела.
На тим стретнуцу бавели дзеци хтори ходза до другей класи основней школи.
Полуфинале: ФК Искра 2017 – ФК Будучносц 2017 – 2:1. Ґоли за екипу Искри дали: Матея Бєлица и Лазар Филеп.
Финале: ФК Србобран 2 2017 – ФК Искра 2017 – 1:1 (3:2 пен.). Ґол за екипу Искри дал Лазар Филеп.
Млада екипа Искри ма за собу добре одбавену Жимску лиґу, дошли и до самого финала, но пенали одлучели хто будзе шампион. Нажаль, нє поспишело ше им освоїц лиґу, понеже после виводзеня пеналох була лєпша домашня екипа Србобрану. Екипа Искри завжала 2. место.
Екипи Искри на стретнуцох водзел Неманя Родич.