НОВИ САД – Традицийни 23. Руски фестивал малих сценских формох – Дюра Папгаргаї, тирва ище нєшка 6. децембра у просторийох Словацкого културного центру Павел Йозеф Шафарик.
На 23. Руским фестивал малих сценских формох Дюра Папгаргаї, нєшка, 6. децембра на 19 годзин будзе представа Ковалє, хтору порихтал драмски ансамбл Словацкого театру Владимир Гурбан Владимиров зоз Старей Пазови. У предлуженю будзе отримани ище єден округли стол зоз тему Театер – сучасни спокуси.
Фестивал почал вчера, 5 децембра зоз промоцию кнїжки Масонка 2, хтора видата як зборнїк драмских текстох зоз остатнїх 10 рокох Фестивалу. Отворена и вистава малюнкох зоз XX Подобовей колониї Стретнуце у Боднарова, хтору у Ґосподїнцох 2024. року орґанизовало Дружтво за руски язик, литературу и културу. КУД Яким Гарди Петровци, Република Горватска госцовал зоз представу Мам я мужу и милого. У предлуженю отримани перши округли стол зоз тему Театер – сучасни спокуси.
Фестивал орґанизує Матка – Дружтво Руснацох Новог Саду – Войводини.
