НОВИ САД – Протест потримовки позарядовей професорки Филозофского факултета у Новим Садзе Єлени Клеут, хторей вчера, 21. януара уручене ришенє о одказу прероснул до блокади тей установи. Студенти вимагали же би ше професорку Клеут врацело на роботу, док декан вимагал деблокаду будинку.
Студенти поручели же факултет нє способни за наставу без Єлени Клеут и же нє пойду док ше професорку Клеут нє враци на преподаваня.
На поволанку декана Алановича до будинку Филозофского факултета пришло вельке число интервентей полициї хтора студентох и гражданох видриляла зоз будинку.
Подпредсидатель Влади и министер нукашнїх дїлох Сербиї Ивица Дачич виявел же полиция, на поволанку декана Миливоя Алановича, поступала високо професийно и у складзе зоз законом знагоди видрильованя гражданох зоз Филозофского факултета Универзитета у Новим Садзе, хтори нє вислухали видати спозораня и розкази, а мали намиру пребувац у просторийох на факултету и блокирац роботу факултета. Сообщенє мож пречитац на тим линку.