ОПШТИНА ШИД – На швето Обрезаня Христового и Василия Велького односно на Нови рок по юлиянским календаре, вчера, 14. януара у грекокатолїцких церквох у општини Шид служени порядни Служби Божо з нагоди швета и була то нагода же би ше сообщели податки з матрикулох за прешли рок.
У Парохиї Преображеня Господнього, по словох пароха о. Михайла Режака у прешлом року повинчала ше єдна пара, було три кресценя и 13 особи поховани.
У Парохиї Собору святого архангела Михаила у Беркасове по словох пароха о. Владмира Еделински Миколки нє було винчаних и кресцених, а два особи поховани.
У Бикичу у Филияли Успеня Пресвятей Богородици влонї нє було винчаних, було єдно кресценє, а у тим периодзе поховани два особи.
У Парохиї святого апостола и евангелисти Луки у Бачинцох по словох пароха о. Юлияна Раца, нє було винчаних и кресцених, а поховани три особи.