НОВИ САД – У новосадским Руским културним центру, нєшка на 20 годзин, Одбор за информованє при Националним совиту Руснацох, будзе присутни на друженю „Пироги у Матки”.
На друженю ше шицким присутним у кратким викладаню представи прецо важни Попис жительства, окреме рускей националней заєднїци, а потим присутним буду подзелєни и маїци. Потим будзе друженє и коштованє пирогох.
Най здогаднєме, Одбор за информованє уж други мешац прейґ дружтвених мрежох поволує младих, алє и шицких других, же би ше вияшнєли як Руснаци, орґанизує наградни бависка, а цала кампаня будзе тирвац по конєц октобра, кед урядово Попис жительства будзе и закончени.
Активносци Одбору за информованє мож провадзиц на Фейсбук и Инстаґрам профилох.