ДЮРДЬОВ – У 19. колу Подручней фодбалскей лиґи Нови Сад, хторе одбавене 2. априла, фодбалере ФК Бачка 1923 зоз Дюрдьова победзели у стретнуцу зоз фодбалерами Динама зоз резултатом 3:0.
Сушедни ,,дерби” оправдал назву у шицких сеґментох фодбалского стретнуца. На Бачковим терену давно нє було такей численей потримовки, було коло седемдзешат патрачох.
Перши ґол на стретнуцу Бачка посцигла у 23. минути, цо дюрдьовским фодбалером дало мотивациї же би ище лєпше бавели. У другим полчаше фодбалере Бачки бавели ище лєпше и посцигли ище два ґоли, у 88. минути и у 2. минути предлуженя.
Вельке число жовтих картонох на стретнуцу, штири додзелєни домашнїм и штири достали фодбалере Динама, та и єден червени, указую же ше на терену бавело жустро и без почитованя спортского справованя.
После того кола Бачка ище вше на пиятим месце на таблїчки зоз трицец пейц бодами. У шлїдуюцим колу дюрдьовски фодбалере ше стретню зоз фодбалерами ФК Петроварадин.