ЗОМБОР – До керестурскей Штреднєй школи „Петро Кузмяк” з Руского Керестура, 1. априла сцигла красна вистка, же ше школярка 1. класи ґимназиї Ивана Драґичевич пласовала на републичне змаганє зоз физики хторе будзе отримане 28. и 29. априла у Враню.
Вона ше пласовала з окружного змаганя з физики за штредньошколцох, котре отримане 18. марца у Зомборе на котрим завжала друге место. На окружним змаганю змагали ше ище и Ґлориян Штранґар – школяр 2. класи, и Никша Йоксович зоз 1. класи, котри достали подзекованє за барз добре поробени тести.
Школярох за змаганя пририхтала професорка Паулина Рац.