НОВИ САД – Тих дньох, у центре городу, у пешацкей зони, транспортна полиция писала прияви бициґлистом хтори ше вожели на бициґлох, тамаль кадзи то забранєне. Ґрупа гражданох Новосадска бициґлистична инициятива обявела кадзи ше мож вожиц на бициґли, а дзе треба зисц и дриляц бициґлу у центре города.
На ФБ боку Новосадскей бициґлистичней инициятиви обявене же ше на бициґли мож вожиц у часци пешацкей зони дзе єст табла за бициґлистох, a то: Театрална площа, Нєґошова улїчка, Модени и Краля Александра, алє обовязно помалки, лєм у швидкосци як пешак цо ходзи. И спозорюю же пешаки вше маю абсолутну предносц.
Нє дошлєбодзене вожиц ше на бициґли, и муши ше зисц зоз бициґли и дриляц ю у других часцох пешацкей зони, по: Змай Йовововей улїци, Дунайскей, Мити Ружича, Лази Телечкого, Пашичовей, Милетичовей, на Площи републики и Ґимназийскей улїци.
Зоз Новосадскей бициґлистичней инициятиви поручую же нє треба себе правиц нєпотребни трошки пре кари, алє и най ше будзе приклад култури воженя бициґли у Новим Садзе.