Конєц слабим резултатом

автор А. Медєши
460 Опатрене

РУСКИ КЕРЕСТУР – Внєдзлю, 8. октобра у Руским Керестуре, у 9. колу одбавени дерби другей часци таблїчки у Подручней фодбалскей лиґи Зомбор, у хторим ФК „Русинˮ надвладал екипу ФК „Крила Країнеˮ зоз Бачкей Паланки з резултатом 3:1 (1:1). Ґоли за Русин дали – Дарко Сушич (2) и Небойша Попович.

У 42. минути Небойша Попович вихасновал добру позицию и зоз 18-20 метери трафя нєзащицену часц ґолу. Бул то красни ґол у самим лївим горнїм куце.

У другей часци стретнуца, госци почали вельо озбильнєйше нападац.

По конєц стретнуца було дорбе бависко обидвох екипох, но резултат ше пременєл аж кед найлєпши Русинов нападач того дня, Дарко Сушич, превжал инициятиву. У 86. минути дава свой перши ґол же би лєм о даскельо минути дал и свой други ґол, после хторого лєм потвердзел свой талант. Други ґол бул зоз пеналу понеже над нїм и направени пенал.

За Русин бавели – Михайло Надь, Боян Голик, Иґор Хрньчар, Деян Павлович, Филип Вуйович, Небойша Попович (Неманя Муминович), Дарко Сушич, Матей Саянкович, Лука Иличич (Стефан Мароєвич), Андрей Малацко, Деян Чернок (Стефан Тома).

После тей побиди Русин у шлїдуюцим колу одпутує до Новей Ґайдобри дзе одбави процив екипи Соко. З оглядом же домашня екипа на остатнїм месце, и з того стретнуца обчекує ше позитивни резултат.

ПОВЯЗАНИ ТЕКСТИ