РУСКИ КЕРЕСТУР – Пияток, 26. децембра после вечаршей Служби Божей у виронаучней сали у Руским Керестуре отримани традицийни Крачунски концерт на хторим присутних привитал парох о. Владислав Варґа.
На концерту наступел хор дзецох зоз Предшколскей установи Бамби под руководством Танї Фейди, шпивацка ґрупа Дружтва св. о. Миклая под руководством ш. Авґустини Илюк, млади зоз парохиї, хлопска и женска шпивацка ґрупа Дома култури и Церкви св. о. Миколая под руководством Александра Планкоша.
Шпивало ше коляди и винчовало крачунски писнї. Сала була преполна цо гутори же крачунски концерт, гоч нє бул отримани у Доме култури дзе є вше отримовани, може буц отримани гоч на хторим месце и же людзе з дзеку на ньго приходза.
