СУБОТИЦА – У Городскей библиотеки на Општинскей смотри рецитаторох Поето народу мойого, вовторок, 3. марца участвовали и школяре хтори ходза на годзини руского язика.
На Општинскей смотри рецитаторох участвовали и шейсц школярки хтори ходза на годзини руского язика як виборни предмет у Суботици. Найвекши успих посцигла школярка 4. класи у Основней школи Кизур Иштван Лена Войнич Тунич, а рецитовала писню Тисяч радосци,хтору написала Ирина Гарди Ковачевич. Вона ше пласовала на Зонску смотру рецитаторох.
Рецитаторку Лену Войнич Тунич порихтала учителька Мая Дюмич.
На смотри ище участвовали и дзеци хтори рецитовали по сербски, горватски, бунєвацки и по мадярски.
Зонска смотра рецитаторох Поето народу мойого будзе отримана на пияток, 13. марца тиж у Городскей библиотеки у Суботици.
