НОВИ САД – На Новосадским сайме 92. медзинародни польопривредни саям будзе отримани од 17. по 22 май.
Конференция за новинарох, на хторей сообшене вецей о вистави и на хторей наявени активносци отримана у Медия центре у Баоґрадзе, сообщене зоз Новосадского сайма.
Найвекша аґробизнис подїя як и скорей отримує ше зоз потримовку Ґлобос осиґураня (Globos osiguranje) – ґенерални спонзор, Ал Дахра (Al Dahra) – златни спонзор, Банка Поштанскей шпоровнї – Банка партнер, Министерство польопривреди, лєсарства и водопривреди, Покраїнска влада зоз секретариятами за польопривреду и привреду, Город Нови Сад и Компания Ките ДОО (Kite DOO) – дародаватель у Дарунок-бависку.
Медзинародни польопривредни саям, того року, ношитель ознаки „Найлєпше з Войводини” ма потримовку Италиї як Стратеґийного партнера Польопривредного сайма.
Уходнїци буду 800 динари по особи, а мож их купиц и онлайн на Ґиґс Тиксу (GigsTix) и на сайту Новосадского сайма, будзе ше их предавац и на касох на уходзе на Саям. За орґанизовани нащиви уходнїци буду 600 динари по особи, а за орґанизовани нащиви школох и факултетох и пензионерох уходнїци буду 400 динари.
Фамелийни дзень, кед цала фамелия годна войсц за купену єдну уходнїцу од 800 динари будзе стреда 21. май.
Роботни час на Сайму будзе од 9 до 18 годзин.