НОВИ САД – Новинско-видавательна установа „Руске слово“ дзекує 30 особом, котри финансийно прейґ интернету помогли друкованє сликовнїци „Мойо перши слова” за наймладших читачох (од 0 по 3 роки), кнїжку котру обдумала Ясмина Дюранїн, а илустрациї з помоцу штучней интелиґенциї реализовал – Иґор Орсаґ.
Уплацели 30 особи, мена пошоровани по азбучним шоре, медзи тима цо уплацели зоз Сербиї, алє и Руснаци зоз Сиверней Америки, зоз котрима НВУ „Руске слово“ того року мало окреме добре сотруднїцтво:
Берич Андрея
Бодянец Владимир
Будошан Станислава
Варґа Татиана
Ґнип Иґор
Даждиу Мирослава
Джуджар Марина
Дудаш Биляна
Дудаш Марина
Дудаш Михаил
Дула Ваня
Еделински Миколка Владимир
Захарич Наташа
Колошняї Марина
Мудри Александер
Надь Барна Адриана
Няради Златица
Олеяр Славомир
Орос Барна Силвия
Павлович Себастиян
Палєнкаш Сашо
Ранкович Анамария
Сабо Славко
Салак Калина
Срданович Ивана
Хома Цветкович Блажена
Чулум Татяна
Дзекуєме шицким тим нашим добротвором же зме за два тижнї, зоз заєднїцкима моцами назберали 86.500 динари од планованоих 70.000, цо значи же посцигнути циль. Проєкт реализовани од септембра по новембер.
Добротворе цо упалцели одредзени суми достаню и дарунки – прикладнїк кнїжки, шольку, букмаркер або предплату на часопис за дзеци „Заградка“. Три особи нє сцели же би им були обявени мена на тим списку.
Було ище велї заинтересовани за уплати, та НВУ „Руске слово“ будзе у марцу 2026. року зберац за ище єдну сликовнїцу за дзеци.
Акция такволани краудфандиґ, а то зберанє малих уплатох прейґ интернета и реализована є прейґ специялизованого порталу „Dobri dabar“.
Видавательство кнїжкох НВУ „Руске слово“ уж длугши час ма проблем финансованя кнїжкох, а зберанє пенєжу прейґ интернета могло би постац тирваце ришенє.
Сликовнїца „Мойо перши слова” ма циль же би ше през естетску забаву и концепт ученя по руски дзеци упознали з основнима поняцами. Кнїжка кошта 700 дин, а на попусту 30% за пакецики за Миколая, Крачун и Дїда Мраза – 490 дин.
Шицки средства цо НВУ „Руске слово“ назбера зоз предаваня тей и других кнїжкох, буду уложени до нових сликовнїцох за дзеци, чийо видаванє драге.