СРИМСКА МИТРОВИЦА – На Парохиї Вознесеня Господнього у Сримскей Митровици обачлїве же до церкви приходза вецей парихиянє и споведаю ше. Тиж и вельке интересованє родичох за дзецинску виронауку и друженє при церкви.
По словох пароха о. Иґора Вовка, єст вельо обовязки коло церкви и чежко шицко посцигнуц. Того року плановане и формованє Церковного одбору хтори уж длугши час нєт на тей парохиї.
При пошвецаню обисцох, парох хаснує нагоду же би побешедовал зоз своїма вирнима и же би висповедал старих и нємоцних. Того року проблем нащивиц парохиянох и прето же єст вельо хорих од вирусних инфекцийох.
За розлику од влонї, того року єст вецей младих хтори волаю паноца и сцу же би ше им пошвецело обисце. Нажаль, часто проблем же людзе робя по зменох, а дзеци ходза до школи, та лєм єдна особа дома. На благослову вирних о. Вовкови помага богослов Филип Суботич.