ШИД – З нагоди Сиропусней соботи, на соботу 1. марца у Церкви Преображеня Господнього на 14 годзин будзе отримана молитва „Жива кресна драга“ у хторей буду участвовац дзеци зоз Селенчи. Вони буду облєчени до пригодних шматох, а з нїма придзе парох з Бикова при Суботици о. Доминик Ралбовски.
После молитви у церкви, ушлїдзи друженє госцох з домашнїма дзецми у Руским доме дзе буду порихтани пампушки. Потим концерт отрима ґрупа „Горуци кромплї“ зоз Руского Керестура.
Як за Рутенпрес гварел парох з Беркасова о. Владимир Еделински Миколка, слово о руских обичайох на сиропусну соботу, такволане Пущанє, а пред Вельконоцним постом хтори почина на пондзелок 3. марца.