РУСКИ КЕРЕСТУР – Позната ґрупа за вежбанє котру водзи Лїляна Еделински, а котра позната як Рекреация за жени, планує одход до банї у Морохалому у Мадярскей 18. новембра, як и на Крачунски вашар до Будимпешти – 9. децембра, а можу ше им придружиц и други заинтересовани, гоч нє ходза поряднє вежбац.
Рекреация за жени ше отримує у двох старосних ґрупох, єдна 40+, а друга 60+, тренира ше три раз до тижня у Спорскей гали, а спонтано того лєта уж реализовани два нащиви до купельох у Мадярскей.
За подробносци о предстояцих вилєтох до Морохалому и Будимпешти, дзе ше планує и обисц знаменїтосци, мож ше явиц орґанизаторки Лїляни Еделински на тел. 060 5003144, або видзиц информациї и на єй Фейсбук боку.