КУЛА/РУСКИ КЕРЕСТУР – Културна манифестация „Костельникова єшеньˮ предлужує свойо програми, та ше нєшка отрима Стретнуце рецитаторох и „Дньовкаˮ.
На 15 годзин, у Основней школи „Петефи бриґадаˮ у Кули отрима ше Стретнуце рецитаторох „Михайло Зазулякˮ, чий орґанизатор руске КУД „Др Гавриїл Костельникˮ. У програми буду участвовац рецитаторе зоз наших местох.
У просторийох Омладинского дома, навечар на 20 годзин, перше будзе отворена вистава фотоґрафийох, а потим младежска Мултимедиялна манифестация „Дньовкаˮ, хтору орґанизує Здруженє гражданох Пакт Рутенорум. После програми будзе и Друженє младих „Афтер-партиˮ у истим просторе.
На нєдзелю, 12. новембра, на 18 годзин „Костельникова єшеньˮ ше предлужи у Дюрдьове, у просторийох КУД „Тарас Шевченкоˮ.