10. ЮЛИЙ – На нєшайши дзень народзел ше науковец Никола Тесла.
1856 – Народзел ше науковец Никола Тесла (Смилян, 10. юлий 1856 – Нюйорк, 7. януар 1943), бул шветови науковец у обласци физики, електротехнїки и радиотехнїки. Музей Николи Тесли у Беоґрадзе отворени 20. октобра 1955. року и то бул перши технїчни музей у Югославиї.
1871 – Народзел ше писатель Марсел Пруст (Париз, Французка, 10. юлий 1871 – Париз, 22. новембер 1922), його дїло у глєданю за страценим часом охабело глїбоки шлїд, нє лєм у Французкей, алє и у европскей литератури 20. вика.
1895 – Народзел ше композитор Карл Хайнрих Мария Орф (Минхен, Нємецка, 10. юлий 1895 – 29. марец 1982), познати є як автор популарней сценскей кантати Кармина Бурана (1937).
1926 – Народзел ше югославянски ґлумец Павле Вуисич (Цетинє, 10. юлий 1926 – Беоґрад, 1. октобер 1988). Здруженє филмских ґлумцох Сербиї додзелює Награду Павле Вуисич од 1994. року, ґлумцови за животне дїло, а уручує ше ю на Фестивалу ґлумецких витвореньох Фимски стретнуца у Нишу.
1977 – У Атини, Греческа зазначена температура у населєним месце 48,0°Ц, а найвекша температура у населєним месце у Европи 48,8°Ц зазначена у авґусту 2021. року при городзе Сиракуза на Сицилиї, цо потвердзела Шветова метеоролоґийна орґанизация (WMO).
Нєшка Дзень ґлобалней енерґетскей нєзависносци (Global Energy Independence Day).
Дзень науки у Сербиї, преглашени 2010. року зоз Одлуку Влади Сербиї.
Шветови дзень чевапох (World Kebab Day)
Медзинародни дзень коктелу Пина Колада (National Piña Colada Day)
Медзинародни дзень мачатох (National Kitten Day)