18. АВҐУСТ – На нєшкайши дзень народзел ше учитель Янко Саламон.
1926 – 1926 – Народзел ше учитель Янко Саламон (Беркасово, 18. авґуст 1926 – Шид, 25. януар 1998). Основну школу закончел у Беркасове, а тедишню гражданску школу у Шидзе. Учительску школу започал у Сримских Карловцох, а закончел у Осєку. Учитель бул у Шидзе, а потим у Коцуре, дзе бул и директор школи. Окрем роботи у школи учитель Янко Саламон, кед ше врацел жиц до Шиду, робел у Општинскей орґанизациї Червеного крижу, анґажовал ше и у роботи КПД „Дюра Киш” у Шидзе, дзе бул ґлумец-аматер а и режисер. И у Коцуре режирал два драмски фалати. Позберал и велї твори свойого брата о. Силвестера Саламона (1912–1988) и дал их постгумно друковац до НВУ „Руске слово”. Учитель Янко Саламун умар 25. януара 1998. року, спочива на руским теметове у Шидзе.
1937 – Народзел ше филмски ґлумец, режисер, продуцент и филантроп ЧарлсРоберт Редфорд (Санта Моника, ЗАД, 18. авґуст 1936 – Прово, Юта, ЗАД, 16. септембер 2025).
1948 – у Беоґрадзе подписана Дунайска конвенция, зoз хтору прилапене же би зоз Дунайом и плївбу управяли припобрежни жеми. Шлєбодна плївба обезпечена шицким тарґовецким ладьом, а войновим є забранєна, окрем войновим ладьом припобрежних жемох хтори можу плївац и на подручу другей припобрежней держави, алє лєм по спорозуменю.
1990 – Югославия треци раз постала шветови шампион у кошарки на 11. шветовим шампионату у Арґентини.