22. ЮЛИЙ – На нєшайши дзень народзел ше Дюра Надь.
1784 – Народзел ше нємецки астроном и математичар Фридрих Вилхелм Бесел, снователь Кенинґзберґскей обсерваториї. Вираховал драгу Галейовей комети и перши утвердзел пременлївосц рушаня Сириюса и Прокиюса и заключел же слово о гвиздох двойнятох.
1888 – Народзел ше америцки микробиолоґ Селман Ейбрахам Ваксман, добитнїк Нобеловей награди за медицину 1952. року, за пренаходок Стрептомицина, першого антибиотика хтори успишно лїчи туберкулозу.
1958 – Народзел ше Дюра Надь (Руски Керестур, 22. юлий 1958 – Руски Керестур, 1. януар 2014). Робел як тарґовец у дакедишнїм кулскнм подприємстве Слоґа же би потим отворел власну фарбарню. Активни бул у керестурским Здруженю ремеселнїкох и приватних привреднїкох, и член його управних целох (2005–2010), а шмерц го застала як члена Управного одбору Здруженя и домара у Майсторским доме. Дюра Надь ище як шеснацрочни легинь 1974. року першираз наступел на Червеней ружи, а потим наступал и на Фестивалє Ружова заградка. Надь бул и член дакедишнїх керестурских музичних составох Кодони и Стил. Од младосци, бул член хорох и шпивацких ґрупох при Доме култури и при церкви. Дюра Надь поховани 2. януара 2014. року на теметове у Руским Керестуре.
1972 – Совєтска вселенска сонда Венера 8 перша ше спущела на поверхносц Венери, з хторей 10 минути емитовала податки, скорей як цо згорели инструменти.