НОВИ САД – Дзецинска крачунско-новорочна програма „Пахулька” була вчера, 22. децембра, у Руским културним центре.
На програми през ґлуму, рецитациї, шпиванки и танєц дзеци указали цо научели, а порихтали их Ана-Мария Рац, Оля Яковлєв, Ванеса Медєши, Милан Брекайло и Марияна Мункачи Сивч, а у музичней часци им помогли Йован Бєлица и Весна Медєши.
Того дня премиєрно одбавена бабкарско-дзецинска програма „Мило ми, я Руснак/Рускиня” хтору порихтал Драмски студио „Звонимир Павлович” Руского културного центра. Бабки за тоту нагоду виробела Милена Биберджич, а твари им нарисовала Лара Петкович.
На „Пахульки” участвовали члени дзецинского хору и дзецинскей фолклорней секциї Руского културного центру. И того року на програму сцигол и Дїдо Мраз хтори шицким дзецом подзелєл пакецики.
Орґанизатор Дзецинскей крачунско-новорочней програми „Пахулька” Руски културни центер, а проєкт потримали Городска управа за културу городу Нового Саду и Завод за културу войводянских Руснацох.
